Ульяновск шәhәре Татар мәдәният үзәгенең Барый Тарханов исемендәге халык театры коллективы режиссеры Гөлия Салахутдинова шәhәр администрациясенең Рәхмәт хаты белән бүләкләнде.
Шәhәрдә татар театрын уңышлы гына әйдәп баручы Гөлия Салахутдиновага бүләкне шәhәр башлыгының урынбасары Инна Митрофанова тантаналы рәвештә тапшырды. Милләттәшләренең Ульяновск шәhәре территориясендә милләтара татулыкны ныгытуга, татар халкының милли традицияләрен hәм телен саклап калып үстерүгә зур өлеш кертүе шулай югары бәяләнде.
