Ульяновск өлкәсенә эш сәфәре кысаларында Татарстан Республикасы делегациясе 2022 елгы Федераль Сабантуйны уздыру урыннарында булды. Оештыру комитеты әгъзалары ипподромны һәм “Болгар заставасы” агротуристик тарихи-мәдәни үзәген карадылар. Соңгысы Иске Майна районында урнашкан.

Иртәгә, 27 гыйнварда Ульянда Федераль Сабантуйны үткәрү буенча оештыру комитеты утырышы узачак. Татарстан Республикасыннан киңәшмәдә Бөтендөнья татар конгрессы Милли Шура рәисенең беренче урынбасары – Бөтендөнья татар конгрессы Башкарма комитеты җитәкчесе Данис Шакиров, Татарстан Республикасы мәдәният министры урынбасары Дамир Натфуллин, мәдәният һәм сәнгать эшлеклеләре катнаша.