Бүген Бөтендөнья татар конгрессы Башкарма комитеты җитәкчесе Данис Шакиров Свердловск өлкәсе Түбән Серга районының Шөкер авылы мәктәбе җитәкчелеге белән эшлекле киңәшмә уздырды. Чарада Бөтендөнья татар конгрессы Башкарма комитеты җитәкчесе урынбасары Илгиз Халиков та катнашты.

Очрашуда сүз Свердловск өлкәсендә милли мәгарифне үстерү юллары һәм балаларга татар телен укыту мәсьәләләре хакында барды.