5-6 октябрьдә Ульяновск өлкәсендә Бөтендөнья “Ак калфак” татар хатын-кызлары иҗтимагый оешмасының “Җир – кешенең яшәү чыганагы” исеме астында күчмә утырышы уза. Әлеге чара Ульяновск өлкә татар милли мәдәни автономиясе белән Бөтендөнья татар конгрессы тарафыннан оештырылды.

Иҗтимагый оешманың рәисе Кадрия Идрисова җитәкчелегендә илебезнең төрле төбәкләреннән 100гә якын ‘Ак калфак “лылар Димитровград шәһәренә килделәр. Биредә аларны Үзәк Җәмигъ мәчетендә Ильяс хәзрәт Мөхетдинов һәм Өлкә татар милли-мәдәни автономиясе рәисе Рәмис Сафин каршы алды. Кунакларга 1896нчы елда төзелгән Җәмигъ мәчете буенча экскурсия оештырылды.