Мөселман кардәшләребез Рамазан ае дәвамында ураза тотып, күңелләрен сафландыра, тәннәрен чистарта. Җыелып җәмәгать белән ифтар мәҗлесләре үткәрү Ульяновск өлкәсе мәчетләрендә традициягә керде.
Танылган мәгърифәтче Шиһабетдин Мәрҗани, “Диндә өч нәрсә юк – милли тел, милли кием һәм милли гореф-гадәт, әмма алар динне саклый”, дигән.
Шәһәребезнең “1 нче мәхәллә” мәчетендә Ислам динен җәелдерү максатыннан “Ак калфак” кызлары милли гореф-гадәтләрне яңартып, мөнәҗәтләр кичәсе үткәрделәр.
Җирле “Ак калфак” оешмасы рәисе җитәкчелегендә ханымнар Коръән Кәримнән дога укыганнан соң моңлы мөнәҗәтләр әйттеләр.
