16 июнь көнне Ташкент шәһәрендә Татарстан Республикасы Президенты Рөстәм Миңнеханов Үзбәкстан Республикасындагы татар иҗтимагый оешмалары вәкилләре белән очрашачак.

Очрашуның модераторы – Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев.

Чара барышында Ташкент шәһәре татар иҗтимагый мәдәни-агарту үзәгенең идарә рәисе Ришат Нәбиуллин, Ташкент шәһәре татар иҗтимагый мәдәни-агарту үзәге каршындагы татар яшьләре Шурасы әгъзасы Назыйм Исмәгыйлев, Ташкент шәһәре татар иҗтимагый мәдәни-агарту үзәгенең идарә әгъзасы, Үзбәкстан Республикасының Беренче Президенты Ислам Кәримов исемендәге фәнни-агарту мемориаль комплексының әйдәп баручы фәнни хезмәткәре Ринат Шиһабетинов, Ташкент шәһәре татар иҗтимагый мәдәни-агарту үзәгенең идарә рәисе урынбасары, Татарстанның һәм Башкортстанның атказанган артисты Фирүзә Халдарованың чыгышлары көтелә.