Бүген, Большеречье районына эшлекле сәфәр кысаларында Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Үләнкул авылындагы “Ихлас” мәчетен карады.

“Ихлас” мәчетенең гаҗәеп тарихы бар. Совет  елларында мәчет ябыла, Үләнкүл авылы кешесе манарадан төшерелгән ярымайны яшереп саклап кала. 2005нче елда, мәчет төзекләндерелгәндә, әлеге ярымай кире  мәчет манарасына куела.