Бүген Татарстан Республикасы Премьер-министры урынбасары, Бөтендөнья татар конгрессы Милли Шура рәисе В.Г. Шәйхразыев Омск өлкәсенә эш сәфәре кысаларында «Себер татарлары утары» этнокомплексын ачу тантанасында катнашты.
Исегезгә төшерәбез, Большеречье районының Үләнкүл авылындагы “Себер татарлары утары” этнокомплексы Омск төбәк татар милли-мәдәни мохтарияте тарафыннан (рәисе Радик Миңнеханов) тормышка ашырылды. 2019 елда оешма 3 миллион сумга якын Президент грантын отты, өстәп 1 млн. 200 мең сум акчаны татар җәмәгатьчелеге үзләре җыйганнар.
