Күркәм, милли бәйрәм махсус балалар өчен тәгаенләнде. Ул Бөтендөнья балаларны яклау көне уңаеннан булуы белән дә аеруча күркәм булды. Актаныш сабыйлары бик актив катнашты, әти-әниләр дә стадион трибунасыннан ихлас йөрәктән җан атты, халык уеннары бик күп иде. Сәләтле йолдызчыкларыбыз тирә-якны җыр-моңга чорнады.

Актаныш мәгариф идарәсе, белем йортлары, Үзәк китапханә һәм балалар китапханәләре хезмәткәрләре балаларның күңелләрен күрде. Дуслык һәм тырыш хезмәт бәйрәменнән катнашучылар кәеф күтәренкелегендә, җәй башлануы сөенечендә таралышты.