“Дөнья” студиясендә кунакта автор-башкаручы Альбина Кармышева. Альбина Казанга Саранск шәһәреннән укырга килә һәм башкаланың үз шәһәре икәнен тоеп, биредә яшәргә кала. Катнаш гаиләдә туып-үссә дә җырчы татар теленә мөккибән. Ул җырлар иҗат итә, мәҗлесләр алып бара, бик тырыш педагог та. Балаларны тиз арада гитарада уйнарга өйрәтү сәләте бар аңарда. Шулай ук физик мөмкинлеге чикле балаларны да сәнгатькә тарта. Ул алар белән дә шөгыльләнергә вакыт таба. Чит төбәкләрдә уза торган Сабан туйларында да актив катнаша. Альбина Кармышева өчен беренче урында нәрсә тора, ә дуслары бармы? Тапшыруда автор-башкаручының иҗаты һәм тормышы турында кызыклы фикерләр ишетергә мөмкин.