“Дөнья” студиясендә кунакта блогер, өч бала әнисе, тел йотарлык тәмле тортлар пешерүче, Бөтендөнья татар конгрессы оештырган “Оста куллы гүзәл затлар” конкурсында I нче урынга лаек булган Эльмира Камалиева.  Ул тормышындагы һәр мизгелне матур итеп социаль челтәрләр аша җиткерә белә. 90 меңләп язылучысы бар. Ләкин күп кенә блогерлардан аермалы буларак, аның белән язылучылары талашып, сүз куертып утырмый. Киресенчә, очрашуны көтеп алалар. Эльмира уртак телне ничек таба? Өч бала, гаилә эшләре, тормыш мәшәкатьләре арасында ул ничек барысына да өлгерә? Кызыклы әңгәмәне карарга тәкъдим итәбез.