Ульяновск өлкәсендә губернатор Алексей Русских күрсәтмәсе буенча Ифтар ашы быел да берничә мең кеше сыйдырышлы зур спорт аренасында узды. Узган елларда анда 1500 мөселман дин-кардәшебез катнашкан булса, быел аның саны 3000 гә җитте. Бу көнне бер өстәл артына тирә-күрше төбәкләрдән дә йөзләгән кунак һәм өлкәдә эшләүче дистәдән артык милли оешма җитәкчеләре дә чакырулы иде. Гомумән, соңгы елларда семберлеләр Ифтарларны мәчетләрдә, кафе-рестораннарда уздыруны да матур гадәткә керттеләр. Борынгы Сембер төбәгендә узган Изге аш мәҗлесләренең кайбер мизгелләре үз хәбәрчебез Рамис Сафин репортажында.