Аның башкалар кебек мактаулы исемнәре дә юк, зур залларда күргәзмәләре дә узмаган… Ләкин аның эшләрен бүген илебезнең байтак төбәкләрендәге күп санлы дусларында, туганнарында күрергә була. Сүзебез ун балалы гаиләдә туып-үскән, Ульяновск шәһәрендә яшәүче рәссам Иршат Алмакаев хакында бара. Безнең хәбәрчебез Рамис Сафин төбәкнең танылган рәссамы янында булып аның иҗаты һәм гаиләсе белән якыннан танышып кайтты.