Бөтендөнья татар конгрессы вәкилләре Оренбург өлкәсе Мостафа авылында Муса Җәлил музеенда булып кайтты. Музейга экскурсиягә кунакларны Оренбургта уздырылган “Җәлил укулары” зона этабыннан соң алып бардылар. Экскурсияне “Муса Җәлил” халык музееның мөдире Гөбәйдуллина Нәфисә Фатыйх кызы үткәрде.

Оренбург өлкәсе Мостафа авылында Муса Җәлил музеен реконструкцияләү һәм Муса Җәлил мемориаль музей комплексы экспозициясен булдыру Оренбург өлкәсе губернаторы һәм Татарстан Республикасы Президенты ярдәме белән башкарылган.

Музейда электрон экспозиция эшли. Ул Татарстан Республикасы Милли музееның иҗат төркеме тарафыннан гамәлгә ашырылган.