Казан язучысы Булат Ханов икенче ел рәттән «Радуга» Россия-Италия әдәби премиясе финалына үтә. Дәрәҗәле премия финалистлары исемлеге Горький исемендәге әдәбият институтының рәсми сайтына урнаштырылган.
- Премиянең максаты — Россиянең һәм Италиянең яшь язучыларына һәм тәрҗемәчеләренә ярдәм итү, яңа исемнәр ачу, ике ил арасындагы мәдәни багланышларны ныгыту.
- Конкурста 18-25 яшьлек язучылар һәм тәрҗемәчеләр катнаша ала. «Яшь язучы» номинациясендә премия күләме — 5000 евро, «Яшь тәрҗемәче» номинациясендә — 2500 евро.
Быел конкурс җиңүчесенең исеме 19 июнь көнне Казанда игълан ителәчәк.
Рузилә Мөхәммәтова
