Казанда балалар бакчалары арасында соңгы вакытта иң популяр бәйгеләрнең берсе – “Татар кызчыгы-2019”, “Татар малае-2019” . башкала районнары арасындагы көч сынашу тәмамланды. Аның соңгы көнендә Идел буе һәм Вахитов районы балалар бакчаарында тәрбияләнүче малайлар һәм кызлар көч сынашты.

Районара бәйгеләрдә җиңү яулаган балалар 5 нче апрель көнне кабат көч сынаша. Анда уңышка ирешкәннәре конкурсның ярымфиналына чыгачак. Ә  “Татар кызчыгы-2019”, “Татар малае-2019” исемнәренә кемнәр лаек булыр? Ул 18 нче апрель көнне ачыкланачак. Бу көнне Казанда “Ак калфак” хатын-кызлары оешмасының съезды да башлана.