enrutat
Баш бит / Кырчылык белгече дә, терлекче дә
Кырчылык белгече дә, терлекче дә

Кырчылык белгече дә, терлекче дә

Төмән өлкәсенең Түбән Тәүде районы, Чугунаево кырларында иген уручы Мурат Сирачевта бик тырышып иң өлкән механизатор Мөхәммәтша Гайнетдинов эшли. Аның гомуми хезмәт стажы — 42 ел. Ул Ватан алдындагы изге бурычын диңгез флотында үтәгән. Киләсе елның мартында 60 яшьлек юбилеен уздырачак. Мөхәммәтша Мәлик улы бүгенге көндә “Вектор” бодай уру комбайнында эшли. 27 августта борчакка төшкән. Аның шәхси ярдәмче хуҗалыгы бар. Терлекләр әти-әнисеннән калган. Яшь вакытыннан терлекчелек эшен яхшы белә.

— Башта, совхоз булган чакта, бер сыер тоттык. Хәзер хуҗалыкта 4 савым сыер бар. Таналар, яшь үгезләр дә асрыйбыз, гомуми 15 баш. Зур түгел сарык көтүе дә бар. Малларга терлек азыгын берләшеп әзерлибез. Җитәкчебез Мурат Барый улы файдаланырга печән хәстәрләү техникасын биреп тора, без аңа моның өчен печән бирәбез. Печәнлекләр – борынгыдан гаиләбез белән эшләгән ата-анадан калган җирләр. Шулай ук эшкуар бодай һәм солы паен бирә, алардан яхшы комбиазык чыга. Ит продукциясен нигездә гаилә үзе өчен куллана. Артса сөтне һәм итне туганнарга, танышларга бирәбез, — дип сөйләде Мөхәммәтша Гайнетдинов.

Тормыш иптәше Җәмилә Мөхәммәт кызы белән ике бала тәрбиялиләр. Хатыны иренә бик булыша.

Уллары Рушан Төмәндә аккумулятор заводында эшли. Раил әти-әнисе янында яши.

Рәхимҗан МУЛЛАКОВ. Түбән Тәүде районы, Эске авылы.
(Диләфрүз ФӘХРЕТДИНОВА тәрҗемәсе).
yanarish72.ru

Фикер калдырырга

Обязательные поля отмечены *

*