Ниагара шарлавыгы Республика көне уңаеннан Татарстан флагы төсләренә керде. Коронавирус пандемиясе аркасында, шарлавык янына зур булмаган бер төркем кешеләр генә килә алды, әмма гадәти булмаган чараны онлайн да күрергә була иде. Видео Монреаль татарларының Инстаграм битенә урнаштырылган.
Матур традиция икенче ел рәттән уздырыла. Акциянең инициаторлары – Марат һәм Алимә Сәлахетдиновлар.
