26нчы декабрь көнне, Пенза өлкәсенең Кобылкино авылы мәктәбендә 1-2 сыйныф укучылары өчен бәйрәм оештырылды.

Чараның мөхтәрәм кунаклары: Кобылкино авылы имамы Руслан Тинчурин һәм Пенза өлкәсенең “Ак калфак” оешмасы җитәкчесе Эльмира Васильева. Бәйрәмдә татарча җырлар җырланды, укучылар Муса Җәлил һәм Габдулла Тукай шигырьләрен сөйләделәр. Килгән кунаклар балаларны якынлашып килүче Яңа ел белән котладылар һәм китаплар бүләк иттеләр.