19-22 август көннәрендә Свердловск өлкәсендә беренче тапкыр “Урал йолдызы” татар яшьләре форумы узачак.

Форумда 18-30 яшьтәге татар кызлары һәм егетләре катнаша ала. Алар өчен лекцияләр, мастер-класслар, кичәләр уздыру каралаган. “Үзеңне татар дип санасаң, татарча аңласаң, дуслар, яисә сөйгән яр табарга теләсәң, бу чара синең өчен”, – ди чараны оештыручылар.

Форум Первоуральскта узачак. Форумга теркәлү 12 августка кадәр дәвам итәчәк.