Курслар филология һәм мәдәниятара багланышлар институтында уза. Уку йортының мондый тәҗрибәсе бар инде. Берничә ел элек министрлар үзләре, аннан соң ярдәмчеләре парта янына утырган иде. Ул чакта бу республика җитәкчелеге карары белән эшләнде. Хәзер инде, уку йортының тәкъдимен кабул итеп, министрлар үзләренең хезмәткәрләрен укыта. Финанс, икътисад министрлыгы һәм архив эше буенча дәүләт комитетында эшләүчеләр – барлыгы 19 кеше белем алды. Калганнары кушылырмы, нәтиҗәләр нинди булыр?