Бүген, 21 февраль көнне, Санкт-Петербург шәһәрендә “Сабантуй-2025” бәйрәмен оештыру мәсьәләләре буенча киңәшмә узды.

Киңәшмәдә Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев, Санкт‑Петербургта милләтара мөнәсәбәтләр һәм миграция сәясәтен гамәлгә ашыру комитеты рәисе Олег Капитанов, Санкт‑Петербургта милләтара мөнәсәбәтләр һәм миграция сәясәтен гамәлгә ашыру комитеты рәисенең беренче урынбасары Алексей Силкин, Санкт-Петербург шәһәрендә һәм Ленинград өлкәсендә Татарстан Республикасының Даими вәкиле Шамил Шәяхмәтов һәм башкалар катнашты.

Киңәшмәнең төп максаты Сабантуйны оештыруның төп аспектларын билгеләү иде. Бәйрәм елдан-ел күбрәк катнашучыларны һәм тамашачыларны җәлеп итә. Сабан туеның төп элементы булып мәдәни программа тора, аңа традицион татар уеннары, концертлар, күргәзмәләр һәм мастер-класслар керә.

Киңәшмә Санкт-Петербургта “Сабантуй-2025” бәйрәмен уңышлы оештыруга таба мөһим адым булды. Катнашучылар уртак тырышлык белән төрле милләт һәм мәдәният кешеләрен берләштереп, онытылмаслык вакыйга булдырып булачагына ышаныч белдерделәр.