Биектау районы "Ак калфак" татар хатын-кызлары иҗтимагый оешмасы Дөбъяз "Ак калфак" бүлекчәсе белән берлектә "Чәй яны-гаилә яны" дип аталган бәйрәм уздырды. Чараның төп максаты: татарларда беренче чәй эчү һәм самоварның килеп чыгуын сөйләү.

1 сентябрьдән башлап Казан университетының рәсми сайты татар телендә эшли башлады.

Болгар ислам академиясенең беренче уку елында 36 студент кабул ителде. Аларның 27се магистратурага 9ы докторантурага кабул ителде.

Раббыбыз һәммәбезгә дә иман байлыгы, саулык-сәламәтлек, гаилә бәхете бирсен. Аллаһы Тәгалә барлык изге ниятләребезгә, максатларыбызга ирешергә, чалыначак корбаннарыбызның бәрәкәтен күрергә, бу дөньяда һәм ахирәт тормышында да бәхетле булырга насыйп итсә иде. Илебездә һәрвакыт тынычлык һәм бәрәкәт булсын! Корбан бәйрәме мөбарәк булсын!

Казанның Иске Татар бистәсендә “Яңа дәвер” исемле заманча татар музыкасының концерт-презентациясе узды. Концертта заманча татар музыкасы вәкилләре “Шүрәле” төркеме (Мәскәү), Базарбай Бикчәнтаев (Кытай), Ринат Гыйльфанов, Арслана, Альберт Исмаил, Миләүшә Сафина, Azat Sound Sustem (Азат Гыйльметдинов) төркеме, ANN SU, Азат Гыймадиевлар катнашты. Алар башкаруында төрле жанрларда (этно-джаз, фьюжн, поп, кантри, брит-поп, рок-баллада, нео-классика, поп-рок, һ.б.) җанлы тавышка җырланылган заманча татар җырларын ишетеп булды.

Тантанада Татарстан Республикасы Президенты Рөстәм Миңнеханов, Татарстан Республикасы Премьер-министры урынбасары, Бөтендөнья татар конгрессының "Милли Шура" рәисе Васил Шәйхразиев, ТР Президенты Аппараты Җитәкчесе Әсгать Сәфәров, Казан мэры Илсур Метшин, Татарстан Республикасы Язучылар берлеге рәисе Данил Салихов һәм башка мәдәният әһелләре катнашты.

Утырышта Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Алексей Песошин катнашты. ТАССР төзелүнең 100 еллыгына әзерлек һәм аны бәйрәм итү буенча республика чаралар планын гамәлгә ашыруның барышы турында Татарстан Республикасы Премьер-министры урынбасары, Бөтендөнья татар конгрессының "Милли Шура" рәисе Васил Шәйхразиев чыгыш ясады

Казанда 5-11 сентябрь көннәрендә узачак  XIII Халыкара мөселман киносы фестивалендә яңа конкурс кертелде. "Милли кино секциясе" дип аталган конкурста республикада әзерләнгән яки Татарстан  турында булган  картиналар бәяләнәчәк. Бу хакта Татарстан мәдәният министры Айрат Сибагатуллин хәбәр итте.

30 августта, Шәһәр һәм Республика көнендә, Татарстан Президенты Рөстәм Миңнеханов татар шигърияте классигы Һади Такташка һәйкәл ачу тантанасында катнашачак. Монументның авторлары - скульпторлар А.В.Балашов, А.М.Миңнуллина һәм архитектор Г.А.Бакулин.

Польшада Сабан туен беренче тапкыр Җәннәт ханым Богданович hәм аның гаиләсе оештырган иде. Бу зур бәйрәмне үткәрүнең төп максаты – Польшада гомер итүче татар халкын берләштерү, милли традицияләрне башка халыкларга күрсәтү.