Беренче тапкыр 25 июнь - Яшьләр көнендә, Кремль яр буенда татар альтернатив музыкасы концерты узачак. Концертта электрон музыка жанрында иҗат итүче башкаручылар чыгыш ясаячак– «TATARSIS» төркеме (электро), «Oscar & c7c5» төркеме (рок), Рәдиф Кашапов, Мубай .

22 июнь көнне “Kazan-Arena" стадионында IV республика ифтары уздырылды. Чара 10 меңгә якын кешене җыйды. Кунакларга 800 ләп волонтер хезмәт күрсәтте.

2016 елның 24 июнендә 12 сәгатьтә Татарстан Республикасы Милли музееның Әдәби салонында “Әниемнең догалы дәвере”дип исемләнгән София Вәлиефф (Сафия Вәлиеваның) “Әнием” китабын тәкъдир итүгә багышланган утырыш була.

7 июнь көнне Казан – Франкфурт-на-Майне – Казан арасында эшли башлаган туры рейс белән Татарстан башкаласына 31 милләттәшебез килгән иде. Шулай ук алар Бөтендөнья Татар конгрессы рәисе Ринат Закиров белән рәсми очрашуда да катнаштылар.

ТР Премьер-министры урынбасары - РФ нең ТР дагы Тулы вәкаләтле вәкиле Равил Әхмәтшин һәм "Татарстан якташлары" оешмасы исеменнән герой-шагыйрьнең истәлеген һәм мирасын саклауга өлеш керткәннәре өчен "Муса Җәлилнең тууына 110 ел тулу истәлегенә" медальләре тапшырылды.

Бүген Казан – Франкфурт-на-Майне – Казан арасында туры рейс эшли башлады. Әлеге рейс белән Бельгия, Франция, Германия һәм Нидерландтан Татарстан башкаласына 31 милләттәшебез киләчәк.

Гыйсметдинов Дамир Минсәгыйрь улына әлеге медальне ТР Язучылар берлегенең XVIII корылтаенда Татарстан Республикасы Президенты Аппараты җитәкчесе Әсхәт Сәфәров тапшырды

16 июнь көнне ТР Язучылар берлегенең XVIII корылтаенда алдагы дүрт елга яңа рәис сайланды. Бу вазифаны 2016-2020 нче елларда Данил Салихов башкарачак. Тавыш биргән 231 кешенең 132 се аны сайлаган.

4 июнь көнне Иске Кулаткыда VII Бөтенроссия авыл Сабан туе узды. 6 км. периметрга җәелгән Сабантуй мәйданында үзенең мәчетләре, өйләре, ишегаллары, мөнбәрләре белән зур бер шәһәр барлыкка килгән иде. Сабантуй бәйрәмендә 30 меңнән артык кеше катнашты.

Бөтендөнья татар Конгрессы Башкарма комитетына Чиләбе өлкә татар Конгрессы рәисе Л.Р. Колесникова исеменнән рәхмәт хаты килде. Муса Җәлилнең 110-еллык юбилеена багышланган региональ конкурста җиңгән балаларны Казан шәһәренә алып баруны оештыруда күрсәткән ярдәм өчен ихластан Чиләбе өлкә татар Конгрессы исеменнән зур рәхмәтләрен җиткерәләр!