ГЫЙЛЬМЕТДИНОВ ИЛДАР ИРЕК УЛЫ – Бөтендөнья татар конгрессының Милли Шура рәисе урынбасары

2022 елның 30 июль-2 август көннәрендә Бөтендөнья татар конгрессының VIIIсъезды узды. Съездның пленар утырышында И.И. Гыйльметдинов бертавыштан яңа срокка Милли Шура рәисенең урынбасары итеп сайланды.

Илдар Ирек улы Гыйльметдинов 1962 елның 3 сентябрендә ТАССРның Кама Тамагы районы Келәнче авылында туа. РФ Дәүләт Думасы депутаты, Татар федераль милли-мәдәни автономиясе Советы рәисе.

Белеме

1983 елда Физика укытучысы белгечлеге буенча Казан дәүләт педагогика институтын тәмамлый;
1988-1989 елларда ВЛКСМ Үзәк комитеты каршындагы Югары комсомол мәктәбендә укый;
2007 елда дәүләт һәм муниципаль идарәсе белгечлеге буенча Санкт-Петербург шәһәренең Төньяк-Көнбатыш дәүләт хезмәте академиясен тәмамлый.

Хезмәт эшчәнлеге

1982 – 1983 елларда Казан дәүләт консерваториясе каршындагы урта махсус музыка мәктәбендә физика укытучысы;

1983 – 1984 елларда Кама Тамагы районының Олы Бортас авылы урта мәктәбе директоры;

1984 – 1985 елларда ВЛКСМның Кама Тамагы район комитетының икенче секретаре;

1985 – 1986 елларда – Совет Армиясе сафларында хезмәт итә;

1987 – 1990 елларда – ВЛКСМның Актаныш район комитетының беренче секретаре;
1994 – 2001 елларда – Татарстан Республикасының балалар һәм яшьләр эшләре буенча дәүләт комитеты рәисе урынбасары;

2001-2003 елларда – ТР Яшьләр эшләре һәм спорт министрының беренче урынбасары;

2003 елдан бүгенге көнгәчә – РФ Дәүләт думасы депутаты;

2007 елдан Татар федераль милли-мәдәни автономиясе Советы рәисе.