ТР Мәдәният министрлыгы Илһам Шакиров исемендәге республика премиясенә дәгъва итүчеләрдән гаризалар кабул ителә башлавы турында искәртә.
«Гариза бирү кампаниясе 1 августта башланды һәм 15 ноябрьгә кадәр дәвам итәчәк», диелгән министрлык хәбәрендә.
Премиянең приз фонды – 600 мең сум. 200 мең сумлык өч премия – ике вокалистка (ир-ат һәм хатын-кыз) һәм «Халыкчан тавыш» номинациясенә бер премия тапшырыла.
- 2020 елда Илһам Шакиров исемендәге премия Резеда Галимова, Филүс Каһировка, халыкчан тавыш иясе Флер Шакировка тапшырылды. Флер Шакиров – Илһам Шакировның туганнан туганы.
