Бүген М. Горький исемендәге китапханәдә “Пермьдә татар фәне һәм мәдәнияте көннәре, 300 ел бергә” проекты һәм «Пермь тарихы – татар халкының шәһәрне торгызуга һәм үстерүгә керткән өлеше, Россия тау – завод эшен үзләштерү» диеп исемләнгән фәнни-гамәли конференция ачылды.

Конференциядә Идел буе һәм Урал федераль округларының региональ милли-мәдәни оешмалары, Пермь краеның Региональ татар милли, фәнни һәм туган якны өйрәнү оешмалары вәкилләре, Пермь шәһәренең төбәк тарихын өйрәнүчеләре, мәдәни — иҗтимагый оешмалары җитәкчеләре катнашачак.

Туган якны өйрәнүчеләрнең «Пермь тарихы – татар халкының шәһәрне торгызуга һәм үстерүгә керткән өлеше, Россия тау – завод эшен үзләштерү» фәнни – гамәли конференциясе эшендә Бөтендөнья татар конгрессы Башкарма комитетының төбәк тарихын өйрәнүчеләр белән эшләү комитеты рәисе Альберт Борһанов та катнаша.

Конференция барышында Пермь шәһәре татар милли-мәдәни автономиясенең тарихы һәм туган якны өйрәнү буенча 20 еллык эшчәнлек һәм басма продукция нәтиҗәләренең экспозициясе тәкъдим ителәчәк.