Республиканың төп мәчете хакында сорауга Татарстан Президенты еллык матбугат конференциясендә җавап бирде.
– Зур бәйрәмнәр булганда, 10 мең кеше сыярлык мәчет кирәк. Ул мәсьәләне зур оешмалар да күтәрә, бу эштә катнашыр идек, диләр. Ике мәсьәлә бар. Беренчесе – дөрес урын табарга. Халыкка уңай булсын, шәһәрнең дә маутар урынында булсын ул. Икенчесе – конкурс үткәреп, аның нинди булачагын билгеләргә кирәк. Пандемия безне бераз туктатты, без бөтенләй туктап бетмәдек, әлбәттә. Бу эш буенча икенче елда фикерләшеп, эшне башларга тиеш булабыз, – диде Президент.
