Милләтебезнең рухи һәм мәдәни кыйммәтләрен саклау һәм үстерү, календарь бәйрәмнәрне халкыбызга кайтару, шәхси хуҗалыкларда традицион булган кош-корт үрчетүне тергезү максатыннан, Бөтендөнья татар конгрессы “Каз өмәсе” фестивален үткәрә.
Фестивальгә әзерлек йөзеннән, 7 номинациядә бәйгеләр оештырыла. Шул бәйгедә җиңүчеләр кыйммәтле бүләкләр белән бүләкләнә һәм “Каз өмәсе” фестиваленә чакырыла. Фестивальне үткәрү тәртибе һәм бәйге номинацияләре белән танышу өчен нигезләмә беркетелә.
