“Шәһәремә, авылыма рәхим итегез” проектының яңа чыгарылышында Көньяк Австралиянең чүлле, эссе киңлекләре. Финзия Газизова опал ташы башкаласы буларак танылган җир асты шәһәре — Кубер Педи белән таныштырыр. Бу якларның тагын бер үзенчәлеге — төсле чүлне дә күрмичә калмагыз!
«Шәһәремә, авылыма рәхим итегез!» проекты татар хатын-кызларының «Ханым» берлеге инициативасы белән әзерләнде. Әлеге башлангычның нигезендә татар телен үстерү һәм дөньяның төрле илләрендәге татар хатын-кызларының дуслыгын ныгыту теләге ята. Кыска онлайн-экскурсия дәвамында ханымнар үзләре яшәгән шәһәр яки авыл, кадерле һәм кызыклы булган урыннар турында туган телләрендә сөйлиләр.
Проектның җитәкчесе — Эльвира Фритше,
Редакторлар — Алсу Рәхимова, Гөлнур Даутова
Иллюстратор — Җәмилә Гергенредер
