Ульяновск шәһәр Думасының беренче утырышында оештыру мәсьәләләре каралды. Депутатлар танылган милләттәшебез Алсу Фәрит кызы Айзатуллинаны Дума рәисенең беренче урынбасары итеп сайлап куйдылар. Шәһәр парламентында ул социаль мәсьәләләр шөгыльләнергә җыена. Мәгариф, мәдәният, спорт һәм халыкның сәламәтлеген саклау комитетлары милләттәшебез карамагында булачак.
Алсу Фәрит кызы – өлкә татар милли-мәдәни автономиясе һәм мохтариятнең Засвияжье район советы эшчәнлегендә актив катнаша.
