Мәскәүдә эшләп килүче “Тальян” татар җыры театры җитәкчесе Илдар Шиһапов бу көннәрдә үзенең юбилеен бәйрәм итә. Аңа 75 яшь, дип хәбәр итә Мәскәүдәге милләттәшләребез. Әлеге бәйрәм уңаеннан Россия башкаласындагы татар мәдәни үзәгендә концерт оештырылды.

Юбиляр хөрмәтенә уздырылган кичәдә, Илдар Шиһаповның хезмәттәшләре, шәкертләре чыгыш ясый. Концерттан соң, чарага җыелучылар бергәләп авыз ача, алар өчен ифтар мәҗлесе дә оештырылды.