Буа районында быелгы “Татарча диктант” акциясе авыл һәм шәһәр мәктәпләрендә, китапханәләрдә зур уңыш белән узды. Бу көнне Буа халкы татар телен саклау һәм үстерүгә үз өлешләрен кертү өчен берләште. Акциянең катнашучылары арасында мәктәп укучыларыннан алып, өлкән буын вәкилләренә кадәр бар иде.
“Ак калфак” оешмасы кызлары (18 кеше) үзәк китапханәдә җыелып, бергәләп диктант яздылар. Бу чараны оештыруда һәм актив катнашуында алар зур роль уйнады. “Ак калфак” оешмасы кызлары әлеге чараны аеруча тантаналы һәм күңелле уздыруга зур өлеш керттеләр.
Шулай ук, әлеге чарада өлкән буын вәкилләре дә катнашты. Мәсәлән, олы яшьтәге Кәүсәрия апа Әхмәтова диктант язганнан соң үз фикерен белдерде. Ул татар теленә булган мәхәббәтен һәм аның әһәмиятен ассызыклап, бу чараның татар халкы өчен әһәмиятен һәм кирәклеген әйтте.
“Татарча диктант” акциясе Буа районында ел саен үткәрелә, һәм бу чара татар теленең киләчәк буыннарга тапшырыла торган кадерле мирас икәнен тагын бер кат исбатлады.
