Камал театрының Универсаль залында Россиянең һәм Татарстанның халык артисты Наилә Гәрәеваны (1940-2023) искә алу кичәсе булды. Программада спектакльләрдән өзекләр, хезмәттәшләренең, шәкертләренең һәм туганнарының истәлекләре, иҗади номерлар, видеоөзекләр булды.
Танылган актриса Наилә Хәкимовна Гәрәеваның күпкырлы иҗаты татар театр сәнгатендә кабатланмас эз калдырды, гомуммилли казанышка әверелде.
Аның якты истәлеге йөрәкләрдә мәңге саклана.
Чыганак: Г.Камал ис.Татар дәүләт академия театры
