Бүген, 15 февральдә, Казанның 103 санлы татар балалар бакчасында Казан шәһәре буенча Бөтендөнья татар хатын-кызлары «Ак калфак» иҗтимагый оешмасының күчмә утырышы үтә. Утырышта башкалабыз татар балалар бакчалары мөдирләре, татар мәктәп-гимназияләре җитәкчеләре катнаша.
Кунакларга балаларны татар әдәбияты белән таныштыру өчен ком белән рәсем ясау алымын ничек кулланырга икәнен күрсәттеләр. “Кыз елату”, “Бәби чәе” йолалары белән таныштырдылар. Шулай ук нәниләр татар милли киемнәрен тәкъдим иттеләр.
