Татарстан Республикасы Премьер-министры урынбасары, «Милли шура» рәисе Васил Шәйхразиев Сахалинга эш сәфәре кысаларында Сахалин өлкәсенең татар иҗтимагый оешмалары җитәкчелеге һәм активистлары белән очрашты.

Татарстан Язучылар берлегенең чираттагы идарә утырышы узды. Идарә утырышында Татарстан Республикасының Язучылар берлегенә яңа әгъзалар кабул ителде. Алар — яшь шагыйрә Гөлүсә Батталова һәм рус телендә иҗат итүче Марат Морев. Бу хакта Татарстан Язучылар берлегенең матбугат хезмәте хәбәр итә.

Г.Камал исемендәге Татар дәүләт Академия театры  Уфа шәһәренә (Башкортстан Республикасы) традицион гастрольләргә китте. 2017 елның 13-19 сентябрь көннәрендә М.Гафури исемендәге Башкорт дәүләт Академия драма театры һәм Башкортстан Республикасының Дәүләт Академия рус драма театры сәхнәләрендә Камал театры соңгы елларда куелган 10 премьерасын тәкъдим итә.

Екатеринбург шәһәре “Туган тел” клубына йөрүче татар яшьләре иске имляны өйрәнде. “Бу безнең 1000 елдан артык булган тарихыбыз, аны кайтарырга кирәк”, – дип сөйләде “Туган тел” клубын оештыручы Салават Сөрмәтов.

Татарстан Республикасы Президенты Рөстәм Миңнеханов Алтай краена эш сәфәре кысаларында Барнаулда Алтай крае татарларының милли-мәдәни автономиясе активы белән очрашты.  Барнаулның Җәмигъ мәчетендә узган очрашуда Татарстан Республикасы Премьер-министры урынбасары, «Милли шура» башлыгы Васил Шәйхразиев, Татарстан Республикасы Президентының халыкара мәсьәләләр буенча киңәшчесе Радик Гыйматдинов һәм Алтай крае Хөкүмәте Рәисе урынбасары Николай Чиняков катнашты. 

9 сентябрьдә Саксония-Анхальт федераль җирлеге башкаласында, Магдебургта дөнья мәдәниятләре фестивале узачак. Әлеге чарада Венера Вәгыйзова җитәкчелегендә Германиянең «Татарлар Дойчланд» татар берләшмәсе активистлары да катнашачак.

6 сентябрьдә Актанышка шигъри десант төште – биредә Татарстанның һәм Башкортстанның яшь шагыйрьләре җыены узды.

Ел саен уздырыла торган Мәскәү халыкара китап күргәзмәсе-ярминкәсе кысаларында Татарстан Республикасының беренче президенты Минтимер Шәрип улы Шәймиев турындагы китап авторлары белән очрашу узды.

Казанның «Пирамида» мәдәни-күңел ачу комплексында XIII Казан халыкара мөселман кинофестивален быел да традицион рәвештә Россиянең Мөфтиләр шурасы рәисе мөфти Равил хәзрәт Гайнетдин ачып җибәрде.

Ел саен көз көне Казан федераль университеты тарафыннан үткәрелә торган түләүсез татар теле курслары быел 18 сентябрьдән башланачак. Бүгенге көндә КФУ сайтының Филология һәм мәдәниятара багланышлар институты бүлегенә кереп, электрон теркәлү үтәргә мөмкин