9 декабрь көнне Самарада мәүлет бөйрәме үтте. В. Литвинов исемендәге мәдәният сараенда узган бөйрөмдә өлкәдән җыелган милләттәшләребез, килгән кунаклар катнашты. Тамаша залына җыелган халыкны өлкә мөфтие Талип хәзрәт Яруллин сәламләде. Бу чарада өлкә һәм шәһәр хакимиятеннән дә вәкилләр катнашты. Бәйрәм вәгазьләр, котлаулар, мөнәҗәтләр белән бергә үрелеп барды. Менә биш ел рәттән бу дини бәйрәмне оештыруда матди ярдәмне өлкәнең “Дуслык” иҗтимагый оешмасы җитәкчесе, Бөтендөнья татар конгрессының Милли шура Президиумы әгъзасы Фәхретдин Канюкаев күрсәтә.