Апрель – бөек шагыйребез Габдулла Тукай туган ай. Шул уңайдан, “Шаян ТВ” телеканалы “Апрель ае – Тукай ае” дигән рәсем бәйгесе игълан итә. Г Тукай шәхесенә, иҗатына, туган ягына, Казандагы Тукай исемен йөрткән истәлекле урыннарга, әдәби музеена багышлап ясалган рәсемнәрне 20 апрельгә кадәр [email protected] почтасына җибәрергә мөмкин.

21 апрельдән https://shayantv.ru сайтында рәсемнәр өчен тавыш бирү булачак. 30 апрель көнне җиңүчеләр билгеләнәчәк. Җиңүчеләр Г.Тукай әдәби музеена экскурсия, Татарстан китап нәшрияты һәм “ШАЯН ТВ” каналыннан истәлекле бүләкләргә ия булачак.