Бүген, 27 август көнне, «Милләт җыены» кысаларында узучы XI Бөтенроссия тарих-туган якны өйрәнүчеләр форумы катнашучылары Биектау районына килде. Биредә район җитәкчелеге белән очрашу, Иске Казан дәүләт музей-тыюлыгына экскурсия, фәнни-гамәли конференция һәм башка чаралар көтелә.
Конференциядә үз докладларын Россия Федерациясенең 34 төбәгеннән, шулай ук Казахстан һәм Беларусьның өч өлкәсеннән галимнәр, туган якны өйрәнүчеләр, педагоглар, мәдәният хезмәткәрләре, журналистлар, җәмәгать һәм дин әһелләре тәкъдим итәчәк.
