1 октябрь көнне Бөтендөнья татар конгрессы Башкарма комитеты хезмәткәрләре Иннополиста булып кайттылар.
Казанга Иннополис ерак та түгел, якын да түгел, Иделнең аргы ягында урнашкан. Фән шәһәренә кадәр кырык минут – бер сәгатьлек юл.
Иннополиста татар конгрессы хезмәткәрләре, әлбәттә, татар төсмерләре эзләде. Һәм аны Иннополис университеты каршындагы мәктәптә тапты. Мәктәп директоры Марат Рамазанов кунакларга мәктәп буйлап экскурсия үткәрде, уку-укытуда милли компонент турында сөйләде. Шулай ук конгресслылар татар теле дәресендә булдылар. Укучылар кунаклар белән татарча аралашып та алды.
