Бүген Татарстан Республикасы Премьер-министры урынбасары, Милли шура рәисе Васил Шәйхразиев Чиләбе өлкәсенең Магнитогорск шәһәренә эш сәфәре белән килде.
Милли шура рәисен Чиләбе өлкәсендә яшәүче милләттәшләребез сый-нигъмәт белән милли киемнәрдә каршы алды. Каршы алучылар арасында “Татар рухы” татар милли мәдәни мохтарият рәисе К.Таһиров, мохтарият әгъзалары, ТРның Свердловск өлкәсендәге даими вәкиле Х.Гыйльфанов бар иде.
Эшлекле сәфәре кысаларында Васил Шәйхразиев Магнитогорск шәһәрендә яшәүче татарлар белән очраша, Көньяк Урал якларында яшәүче татарларның тормышы белән таныша.
