Казанда төзеләчәк Җәмигъ мәчетенә урынны шәһәр мэриясе, Татарстан Диния нәзарәте һәм активистлар бергәләп сайлый. Бу хакта шәһәр мэры Илсур Метшин журналистлар белән очрашуда әйтте.
“Шәһәр җир кишәрлеге бирә. Татарстан Диния нәзарәте һәм активистлар белән берлектә Казанда Җәмигъ мәчете төзелешенә урын сайлыйбыз – берничә урын бар. Без бергәләп мәчетебез өчен лаеклы урынны сайларга телибез”, – диде Илсур Метшин.
Казан шәһәре башлыгы сүзләренчә, Җәмигъ мәчете Кол-Шәриф мәчете һәм Казан Изге ана иконасы чиркәве кебек “бөтен ил” белән төзеләчәк.
“Бернинди яңалык юк – ил белән бергә. Бу безнең көчебездән киләчәгенә ышанам”, – дип йомгаклады мэр.
