4 декабрьдә Авыргазы районының Корманай авылында якташлары күренекле журналист Фәрит Фаткуллинның 75 яшен зурлап үткәрде. Фәрит Миңнулла улын котларга авылдашы, Русиянең атказанган, Башкортстанның һәм Татарстанның халык артисты Идрис Газиев та кайткан иде. Тантанада шулай ук Бөтендөнья татар конгрессының Башкортстандагы вәкиле Альфред Дәүләтшин да катнашты. Ул Фәрит агага “Ихлас” журналының яңа санын бүләк итте. Әйткәндәй, басманың бу номерында Фәрит Фаткуллин хакында мәкәлә дөнья күрде.
⠀
Корманай авылы халкы һәм мәктәп укучылары көче белән әзерләнгән кичә бик җылы узды.
