Владивостокта яңа төзелә торган урамга Советлар Союзы Герое Гыйлфан Батаршин  исеме бирелгән. Гыйлфан Абубәкер улы  Батаршин

Совет чик сакчысы, Хәсән күле янындагы сугышларда катнашучы, СССР Эчке эшләр халык комиссариаты гаскәрләренең Посьетск чик буе отрядының маневр төркеме отделениесе командиры вазифасында, Советлар Союзы Герое исеменә лаек булган беренче чик сакчысы.  Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев төзелә торган әлеге урамда булды, Герой истәлегенә куелачак  Символик билгене урыны белән танышты.