26 августтан 28 августка кадәр Бөтендөнья татар конгрессы Казанда “Милләт җыены”н уздыра. Чарада Татарстан Республикасыннан, Россиянең 68 төбәгеннән һәм 27 чит илдән 1000 вәкил катнаша.
Хәзерге вакытта делегатлар теркәлү уза, алга таба Форумның бай программасы башланачак. Бүген кич Галиәсгар Камал исемендәге Татар дәүләт академия театрының иске бинасы сәхнәсендә «Милләт Җыены»ның ачылу тантанасы була. Ачылу тантанасыннан соң делегатлар «Печән базары» фестивалендә катнашачак.
