Шаян ТВ мультфильм анимация студиясе бөек татар шагыйре Габдулла Тукайның тууына 140 ел тулу уңаеннан «Шүрәле оныгы Шүркәй» мультсералын тамашачыларга тәкъдим итте. Мультфильм тулысынча ясалма фәһем мөмкинлекләрен файдаланып эшләнгән. Ул “Шаян мультфильм” анимация студиясенең тәүге проекты.

Проект Татарстан Рәисе каршындагы туган телләрне саклау комиссиясе белән берлектә әзерләнгән.  Сериалны карарга Дәүләт Советы рәисе вазифаларын башкаручы, туган телләрне саклау комиссиясе рәисе Марат Әхмәтов та килгән иде. Ул проектны югары бәяләде.