Киров өлкәсе татарлары конгрессы төбәктәге татар авыллары тарихын өйрәнүгә багышланган “Иске Пенәгәр укулары” проектын башлап җибәрде. Төп чара август аенда булыр дип ниятләнә.

Төбәк тарихы һәркемнең нәсел җебен барлаудан башлана. Шәҗәрә төзү исә туганлык хисләрен уята, гаиләне ныгыта, торган җиреңә, туган илеңә карата мәхәббәт тәрбияли. Буыннар чылбарын барлауга юнәлдерелгән “Иске Пенәгәр укулары” проектын “Ак калфак” оешмасы хуплап чыкты.

Шәмсия Хәлимова,  Киров өлкәсе татарлары конгрессы рәисе урынбасары