Литваның Висагинас татарлары быел да «Татарча диктант» акциясен уздырды.
Диктант язганнан соң акциядә катнашучылар “Таң җиле” романы авторы язучы Фоат Садриев иҗаты турында презентация карадылар, фикерләре белән уртаклаштыла. Фикерләшү нәтиҗәсендә татар оешмасы китәпханәсе фондында булган Фоат Садриевның “Көлми торган кеше” әсәре буенча китап укучылар конференциясе үткәрергә дигән карарга килдек. Акция «Туган тел»не җырлау белән тәмамланды.

Акция бөтен дөньяда яшәүче татарларны берләштерүгә, әдәби татар телен белүгә кызыксынуны арттыруга, орфографик һәм грамматик хаталарны тикшерүгә, татар теленә мәхәббәт тәрбияләүгә юнәлдерелгән.