2025 елда татар халык язучысы, җәмәгать эшлеклесе һәм РСФСРның атказанган сәнгать эшлеклесе Гариф Ахуновның тууына 100 ел тула.

Гариф Ахунов 1925 елның 18 сентябрендә Арча районының кечкенә Өчиле авылында күп балалы крестьян гаиләсендә туа. Белем нигезләрен Казанбаш авылы мәктәбендә, аннары белемне Арча педагогия училищесында ала. 1947 елда Казан дәүләт университетының тарих-филология факультетында укый.

Гариф Ахунов әдәби даирәләргә университетның соңгы курсларында ук катнаша. Әсәрләре 1951 елда басыла башлый. Аның «Яшьлек яме» исемлеле студент яшьләре тормышы турында беренче зур әсәре 1950 елларда басыла. Шулай итеп, Ахунов үзенең иҗат эшчәнлеген башлап җибәрү белән, үз чорын чагылдырган әдәби әсәрләр язарга тырышкан. Әдәби әсәрләрендә ул үзенең замандаш дуслары, нефтьчеләр, авыл хезмәтчәннәре, сәнәгать җитәкчеләре турында яза. Татарстан нефтьчеләре турында язылган «Хәзинә» романы һәм «Чикләвек төш» повесте өчен ТАССРның Габдулла Тукай исемендәге Дәүләт премиясе белән бүләкләнгән.

Гариф Ахунов, язучы буларак кына түгел, драматург, тәрҗемәче, мөхәррир, җәмәгать һәм сәясәт эшлеклесе буларак та билгеле.

Күргәзмәдә «Гариф Ахунов. Гаилә хәзинәсе» ндә язучыга якын булган Ахуновлар гаиләсенең шәхси архивыннан әйберләр тәкъдим ителәчәк. Бу гаилә предметлары һәм фотосүрәтләр, шәхси китаплар, шулай ук рәсем ясау өчен пумалалар һәм рәсем. Фото сүрәтләрдә Гариф Ахунов күпкырлы шәхес: язучы һәм әдәби тәнкыйтьче, рәссам һәм гаиләне яратучы буларак тәкъдим ителәчәк.

Күргәзмә 11 сентябрьдән 12 октябрьгә кадәр дәвам итәчәк, аның программасы кысаларында экскурсияләр һәм «Хәзинә» фильмы күрсәтеләчәк.

Адресы: Татар әдәбияты тарихы музее Шәриф Камал мемориаль фатиры, Островский ур., 15.

Чыганак: mincult.tatarstan.ru