tatruen
Баш бит / Яңалыклар / Тәтеш районы “Ак калфак” оешмасы вәкилләре Чүпрәле районында узган җыелышта булдылар
Тәтеш районы “Ак калфак” оешмасы вәкилләре Чүпрәле районында узган җыелышта булдылар

Тәтеш районы “Ак калфак” оешмасы вәкилләре Чүпрәле районында узган җыелышта булдылар

Тәтеш районы “Ак калфак” иҗтимагый оешмасы вәкилләре Чүпрәле районында узган “Ак калфак” Бөтендөнья татар хатын- кызлары иҗтимагый оешмасының чираттагы җыелышында булып кайттылар.

– Әлеге чарага рай­оны­бызның “Ак калфак” оешмасы бүлеге җитәкчесе Рима Сафиуллова белән берлектә без, Сөендек һәм Башчы авыллары аккалфаклары да бардык, – дип уртаклаштылар райондашлар. – Чүпрәле безне якты кояшлы иртәсе, ягымлы халкы белән елмаеп каршылады. Чүпрәле районының “Ак калфак” оешмасы җитәкчесе Гөлфия Яфизова тирә-юньнән җыелган барлык кунакларны җылы каршылап, төрле чараларда озатып йөрде. Бәйрәм чаралары һәркемнең күңеленә хуш килерлек итеп оештырылган иде. Бу чарада без Чүпрәле халкының булдык­лы, талантлы икәнлегенә тагын бер тапкыр инандык. Туган як музееның байлыгы һәркемне сок­ландырды. Чиккән намазлык, сөлгеләр күз явын алырлык иде. Без биредә халкыбызның борынгы гореф-гадәтләреннән берсе – дисбе тезү серләренә дә өйрәнеп кайттык.
Музейда Рима Гомәр кы­зы­ның әнисе Сара апа Вәли­уллина истәлегенә ачыл­ган күр­гәзмәдәге әйбер­ләрне карау нур өстенә нур булды. Ишле авылын­да үз акчасына күпер төзет­кән Сара апа буын­нар бәй­ләнешен, рух бердәм­леген ныгыту үрнәге буларак олы хөрмәткә ия шәхес ­булып тора.

“Һәр җәүһәрдә – халкым тарихы” дип исемләнгән концерт прог­раммасы халкыбызның күркәм биюләре, матур җырлары белән үрелеп барды.
Бөтендөнья татар хатын-кызлары иҗтимагый оешмасы җитәкчесе Кадрия Идрисова үзенең чыгышында әлеге чарага югары бәя бирде һәм халкыбызның йолаларын, телен саклап калу өстендә эшләгән җитәкчеләргә рәхмәт сүзләрен белдерде.
Без бу чарадан күңе­лебезгә рухи азык, файдалы тәҗрибә алып, кайтыр юлга чыктык. Теләгебез бер: киләчәккә якты өмет­ләр белән алга карап яшәү һәм тырышып эшләү.

tetyushy.ru

Фикер калдырырга

Обязательные поля отмечены *

*